Gullin ást

Líf þriggja para fléttast saman í voninni um að eignast barn. En verður draumurinn einhvern tímann að veruleika? Danielle Steele sýnir hér drauma og þrár fólks, sorg þeirra og missi eins og henni er einni lagið.

Diana og Andrew Douglas ætla sér að búa til barn í brúðkaupsferðinni. Löngu seinna, þegar barnið sem þau dreymir um er enn ekki í sjónmáli neyðast þau til að horfast í augu við það hverju þau eru tilbúin að fórna til að láta drauminn verða að veruleika.

Charlie Winwood vill fylla húsið af börnum, en kona hans, Barbie Mason, vill aðeins skemmta sér. Þegar Charlie fær niðurdrepandi fréttir þarf hann að endurskoða líf sitt, ekki síst sambandið við konu sem hefur ekki sömu markmið í lífinu og hann.

Það eru nítján ár á milli Pilar Graham og Brad Coleman og hann á þegar tvö uppkomin börn. Þegar þau gifta sig fer Pilar skyndilega að sjá eftir að hafa ekki eignast sín eigin börn. Og þá vaknar spurningin: Eiga maður sem er að verða afi og kona um fertugt yfir höfuð að reyna að eignast börn saman?

Bókin var aðlöguð að sjónvarpi árið 1995, undir upphaflega titlinum Mixed Blessings.

Danielle Steel fæddist í Bandaríkjunum árið 1947. Hún er mest seldi lifandi rithöfundur heims, með yfir 900 milljónir eintaka seld af 210 ritverkum. Hún er þekktust fyrir dramatískar ástarsögur, en hefur einnig gefið út barnabækur, ljóðabækur og ýmislegt fleira. Hún stofnaði og rekur stofnunina Nick Traina Foundation í nafni sonar síns sem lést ungur að aldri. Ritverk hennar fjalla gjarnan um fjölskyldudrama, missi og sorg og eru uppi kenningar um að sumar þeirra séu byggðar á lífi Danielle sjálfrar. 22 verka hennar hafa verið aðlöguð sem kvikmyndir, bækur hennar hafa verið þýddar á 43 tungumál og eru þær seldar í 69 löndum um allan heim. Danielle Steel býr til skiptis í París og San Francisco, á 9 börn og er hvergi nærri hætt að skrifa.